Transcription
1
Monsieur, jay bien vollu acompaigné de ce mot la lettre que vous
2
escripvent messieurs les consulz de ceste ville pour vous dire la
3
necessité en laquelle ilz sont aujordhuy, tant à cause de la reparation
4
de ceste ville, que plusieurs aultres choses necessaires dans
5
icelle, lesquelz mont prié de faire ung impoz et leur permettre
6
estre exigé pour chacun mulet passant par ceste ville estant
7
chargé de marchandise, la somme de douze soulz tournois ;
8
ce que je leur ay acordé, considerant leur dicte necessité, saufz
9
toutesfoys votre bon plaisir. Il vous plaira de ce me faire entendre
10
votre volenté, laquelle ne faudray mettre en exeqution daussi bon
11
ceur que je vous presente mes humbles et affectionnez recommandations
12
à votre bonne grace, et prie Dieu vous donner,
13
monsieur, en parfaicte santé, heureuse vie et longue. De Grenoble, ce
14
XXIII mars 1574
15
Votre très humble et aubeyssant
16
servyteur
17
La Thivolliere